Ардчилсан намын гишүүдийн шинэчилсэн бүртгэл энэ сарын 6-нд дууссан билээ. “172 мянга орчим гишүүн шинэчилсэн бүртгэлдээ хамрагдлаа” гэж Ардчилсан намын ерөнхий нарийн бичгийн даргын үүрэг гүйцэтгэгч Л.Эрхэмбаяр мэдэгдсэн юм. Тэгвэл энэ тоо хасагдаж байгаа бололтой.
Ардчилсан намын дарга З.Энхболд 2016 оны арванхоёрдугаар сарын 6-ний өдөр Ардчилсан намын Хэрэг эрхлэх газарт бүртгүүлсэн гишүүдийн бүртгэлийг бүхэлд нь хүчингүйд тооцох тушаал гаргажээ.
Тэднийг намынхаа анхан шатны намын байгууллагад бүртгүүлэхгүйгээр төв намын шинэчилсэн бүртгэлийн цэгт ирсэн, олон тооны замбараагүй анкет, материалыг хүлээн авсан нь Ардчилсан намын үндсэн дүрэм, журам зааврыг зөрчсөн гэж үзсэн байна.
15 мянга орчим гишүүн дээрх шалтгаанаар Ардчилсан намын даргын сонгуульд санал өгөх эрхгүй болсон гэж зарим эх сурвалж мэдээллээ.
