2017 оны нэгдүгээр сарын 20-ны өдөр ГЗБГЗЗГ-ын Газар зохион байгуулалтын хэлтсээс Нийслэлийн газрын албаны Газрын менежмент, төлөвлөлтийн хэлтэс, Газрын кадастр, бүртгэлийн хэлтсийн мэргэжилтнүүд болон дүүргийн газрын албаны мэргэжилтнүүдээс бүрдсэн нийт 37 хүнийг хамруулсан сургалт зохион байгууллаа.
Энэхүү сургалтын үеэр ГЗБГЗЗГ-ын 2012-2016 онд газар зохион байгуулалтын чиглэлээр хийсэн ажлууд болон ирэх 4 жилд газар зохион байгуулалтын чиглэлээр хийх нийслэлтэй холбоотой томоохон ажлуудын талаар танилцууллаа. Мөн нийслэл, дүүргийн газар албад цаашдын үйл ажиллагаандаа анхаарах асуудлуудын талаар газар зохион байгуулалтын хэлтсийн мэргэжилтнүүд хариуцсан чиглэл тус бүрээрээ мэдээлэл хийв. Энэхүү сургалт нь Нийслэл, дүүргийн газрын албад шинэ бүтцээр ажиллаж эхэлсэнтэй зэрэгцэн зохион байгуулагдаж байгаагаараа онцлогтой байлаа.