Олон Улсын Стандартын Академиас олон улсын менежментийн тогтолцооны стандартуудыг өөрийн үйл ажиллагаандаа нэвтрүүлэх, хэрэгжүүлэх сонирхол бүхий төрийн болон хувийн аж ахуйн нэгж байгууллагын удирдах ажилтан, ахлах менежер, менежер, ажлын хэсгийн бүрэлдэхүүнд зориулсан сургалт явуулдаг байна. Стандартын шаардлага, хэрэгжүүлэх талаар ойлголт, мэдлэг олгох, дотоод аудитор бэлтгэхэд нь дэмжлэг үзүүлэх зорилгоор танхимын сургалтуудыг тогтмол зохион байгуулдаг гэнэ.
Тус байгууллага энэ удаа олон улсын ISO 10001 “Хэрэглэгчийн сэтгэл ханамж” стандартын сургалтыг Монголд анх удаа зохион байгуулах гэж байна. Энэхүү сургалтыг ОХУ-ын EEG /Евро Ази Эксперт/ группын захирал, сургагч багш Махмуд Албеков удирдаж явуулах ажээ.
Сургалт 2017 оны 01-р сарын 24-28 өдрүүдэд болох юм байна.