Боловсрол, соёл, шинжлэх ухааны сайд Ж.Батсуурь өнөөдөр мэдээлэл хийлээ. Тэрбээр, “Мэргэжлийн байгууллагын санал, ид хүйтрэл, ханиад томуу зэргээс шалтгаалан хүүхдэд ээлтэй байдлаа бодоод сурагчдын амралтыг нэгдүгээр сарын 30-ныг хүртэл сунгалаа” гэлээ.
Ингэж амралтыг сунгаснаар 4-р улирлын амралтын хоногоос хасагдах юм байна. Харин зуны амралтын хугацаанд өөрчлөлт орохгүй аж. Мөн зарим аймгуудын хүсэлтийг харгалзан үзэж сурагчдын амралтыг адилхан сунгасан байна.