Монгол Улсын шинэ Үндсэн хууль батлагдсаны 25 жилийн ой энэ сарын 13-ны өдөр тохионо. Энэ өдрийг тэмдэглэн өнгөрүүлэх комиссыг УИХ-ын даргын захирамжаар байгуулсан билээ.
Комиссыг Улсын Их Хурлын дэд дарга Ц.Нямдорж ахалж, нарийн бичгийн даргаар Улсын Их Хурлын Тамгын газрын Ерөнхий нарийн бичгийн дарга Ц.Цолмон ажиллаж буй.
Тэгвэл энэ өдөр шагнал гардуулах, Жанжин Д.Сүхбаатарын хөшөөнд цэцэг өргөх, Их эзэн Чингис хааны хөшөөнд хүндэтгэл үзүүлэх, Монгол Улсын Үндсэн хууль батлагдсаны 25 жилийн ойд зориулсан Үндэсний бөхийн барилдаан зэрэг олон үйл ажиллагааг зохион байгуулах юм байна.