ХХ зууны манлай, гавьяат дасгалжуулагч Вандуйн Батбаярын нэрэмжит сонирхогчдын боксын насанд хүрэгчдийн УАШТ өнөөдөр эхэллээ.
Эрэгтэйчүүдийн 37, эмэгтэйчүүдийн 13 дахь удаагийн тус тэмцээнд 39 багийн нийт 201 тамирчин эрэгтэй ес, эмэгтэй найман жинд өрсөлдөж байна.
Эрэгтэйчүүдийн 60 кг-ын жинд гавьяат тамирчин Д.Отгондалай, ОУХМ Э.Цэндбаатар, О.Батхүү, 52 кг-д А.Нурлан, 56 кг-д Х.Энх-Амар, 64 кг-д Б.Чинзориг, Г.Баярхүү, О.Норовбал, 69 кг-д Б.Түвшинбат, Б.Батзориг, эмэгтэйчүүдийн 51 кг-д М.Нандинцэцэг, Л.Алтанцэцэг, О.Эрдэнэцэцэг, 54 кг-д М.Гүндэгмаа, Д.Шинэцэцэг, Б.Сувд-Эрдэнэ нарын шилдгүүд өсрсөлдөж буй.
Харин олимп, ДАШТ-ий хүрэл медальт, гавьяат тамирчин У.Мөнх-Эрдэнэ, Азийн аварга З.Энхзориг, Б.Жавхлан, Т.Болортуул нар өнжлөө.
Сүүлийн хоёр жил дараалан 56 кг-д түрүүлсэн, олимпийн V байрын шагналт Э.Цэндбаатар жин өгсөн 60 кг-д тоглож байна. Эл жингийн босоо аварга, олимпийн хүрэл медальт Д.Отгондалай, Э.Цэндбаатар нарын өрсөлдөөн спорт сонирхогчдын анхаарлыг гойд их татаж байгаа нь лавтай.