АНУ-ын 45 дахь Ерөнхийлөгчөөр сонгогдоод буй Дональд Трамп өчигдөр цахим худалдааны сайт “Alibaba” компанийн захирал Жак Матай уулзсан талаар “www.dailymail.co.uk” сайт мэдээллээ.
Тэд Нью Йорк хотноо байрлах “Трамп” цамхагт уулзсан байна. Уг уулзалтыг хоёр тал “Их хурал” хэмээн тодорхойлжээ.
Уулзалтын дараа ноён Ма хэвлэлийнхэнд “Энэхүү уулзалт харилцан давуу талтай уулзалт байлаа. Харилцаагаа илүү сайн бэхжүүлэх ёстой” гэж мэдэгдсэн байна.
Жак Ма худалдааныхаа сайтын тусламжтай нэг сая ажлын байр бий болгохоо Трампад илэрхийлсэн аж.