Шинээр сонгогдсон АНУ-ын Конгрессын гишүүд өчигдөр хуралдаж, Ерөнхийлөгч
Барак Обамагийн баталсан эрүүл мэндийн тухай хуулийг дахин хэлэлцэхээр
болжээ. Өнгөрөгч онд болсон тус улсын ерөнхийлөгчийн сонгуулийн үр дүнд
Бүгд Найрамдах нам Сенат болон Төлөөлөгчдийн танхимд олонх болсон билээ.
Улмаар конгресын анхны хуралдаанаа хийж, эрүүл мэндийн тухай хуулийн
төслийг хүчингүй болгох тухай хуулийн төсөл өргөн барьсан байна. Дээрх
хуулийн тухай АНУ-ын шинэ ерөнхийлөгч Д.Трамп “Эрүүл мэндийн тухай хууль
нь үр дүн муутайгээс гадна зардал ихтэй” хэмээжээ.