Өнөөдөр ес эхэлж хүйтний эрч улам чангарлаа. Үүнтэй зэрэгцээд ард түмнийг хамгийн их туйлдуулж байгаа зүйл бол утаа билээ. Утаанаас болоод аав ээжүүд хүүхдүүдээ тэврэн аль ойр хүүхдийн эмнэлгийг бараадан үүдэнд нь өнжин хонон хүлээдэг ажилтай боллоо. Учир нь монголын айл өрх бүрт утааны улмаас хүүхдүүд ханиад хүрч, уушиг нь хатгалгаанд зовж байна.
Удахгүй аргаа барсан эцэг эхчүүд энэ сарын 26-д утааны эсрэг жагсаал цуглаан ч хийхээ мэдэгдээд байгаа билээ. Тэгвэл хүүхдийн хичээлийн амралт энэ жил хэтэрхий богино байгаатай холбогдуулан утааны улиралд олон нийтийн газар ханиад томуу газар авахаас сэргийлэн хүүхдүүдийнхээ амралтыг сунгая гэсэн эцэг эхчүүд их байна. Хэн ч гэлээ хүүхдүүдээ ханиад томуугаар дүүрсэн сурууль, цэцэрлэгт явуулж халдвар авахуулахыг хүсэхгүй.
Энэ талаар хариу авахаар БСШУС-ын сайд Г.Бат-сууриас тодруулахад, тэрбээр “Байгалийн гамшиг, хорио цээрээс хамаараад хөл хорио тогтоох онц байдал зарлаж, үүнд сургууль цэцэрлэгийг амраана гэсэн мэдээлэл онцгой комиссоос өгвөл тэр шийдвэрийг бид биелүүлнэ. Тиймээс агаарын бохирдолтой холбоотойгоор амрат сунгана гэсэн мэдээлэл одоо өгөх боломжгүй” гэв.
О.ӨНӨР