“Цагдаагийн алба хаагч, ажилтны нийгмийн баталгааг хангах, эрүүл мэндийг хамгаалах хөтөлбөр”-ийг хэрэгжүүлэх ажлын хүрээнд Баянзүрх дүүргийн дөрөвдүгээр хорооны нутаг дэвсгэрт цагдаагийн алба хаагчдын 24 айлын орон сууц ашиглалтад орлоо.Энэхүү орон сууцны нээлт өнөөдөр боллоо. Үүнд Цагдаагийн ерөнхий газрын дэд дарга, дэд комиссар М.Лувсандорж, санхүү хангамжийн газрын дарга, дэд комиссар Д.Амарсайхан, ажлын хэсгийн ахлагч, цагдаагийн хурандаа П.Батбаатар нар оролцлоо. Энэ үеэр цагдаагийн байгууллагын зүгээс хөнгөлөлттэй нөхцөлөөр оршин суугчдын тав тухыг хангасан байрыг барьж, ашиглалтад оруулсан компанийн хамт олонд талархал илэрхийллээ.