ЛОЗАННА./TASS/. Бээжин-2008, Лондон-2012 Олимпын тоглолтуудын үеэр авсан сэргээшийн шинжилгээг дахин шалгахад нийт 101 сорьцод сэргээш илэрсэн тухай Олон улсын Олимпын хороо мэдээллээ.
Энэ сарын 6-ны өдрийн байдлаар, сэргээшийн дахин шинжилгээнд унасан нийт 79 тамирчин, тэдний дотор Оросын 27 тамирчны гаргасан амжилтыг хүчингүй болгоод байна. Дахин шинжилгээ авах ажлыг удирдсан доктор Ричард Бажетт хэлэхдээ “Бээжингийн Олимпын наадмын үеэр авсан сэргээшийн шинжилгээний сорьцыг авах ажлыг зогсоосон, харин Лондонгийн Олимпын үеэр авсан сорьцуудыг дахин шалгах ажиллагаа 2020 он хүртэл буюу Токиогийн Олимпын наадам хүртэлх хугацаанд үргэлжилнэ” гэдгийг мэдэгдлээ.
Дахин шалгалтын явцад спортын 16 төрлөөр өрсөлдсөн 89 орны 1445 тамирчнаас авсан сэргээшийн шинжилгээний сорьцод давтан шинжилгээ хийсэн байна.
Өмнө нь 98 тамирчны сорьцод хориотой бодис илэрсэн тухай мэдээлж байсан юм.