УИХ-ын Аюулгүй байдал, гадаад бодлогын байнгын хорооны хуралдаан 14.00 цагаас хуралдах товтой байсан чирц бүрдээгүй тул хойшиллоо.
Өнөөдрийн хуралдаанаар Монгол Улсын хууль тогтоомжийг 2020 он хүртэл боловсронгуй болгох Үндсэн чиглэл батлах тухай УИХ-ын тогтоолын төслийг хэлэлцээд санал дүгнэлтээ Хууль зүйн байнгын хороонд хүргүүлэх ёстой байсан юм.
Монгол Улсын хууль тогтоомжийг 2020 он хүртэл боловсронгуй болгох үндсэн чиглэлийн төсөлд 260 хуулийн төсөл багтсан. Үүнээс 2016 онд 31, 2017 онд 131, 2018 онд 71, 2019 онд 24, 2020 онд 3 хуулийн төслийг боловсруулах асуудал багтсан.
Үүнээс гадна 16 Улсын Их Хурлын тогтоолын төсөл байгаа юм. Эдгээрээс 2016 онд дөрөв, 2017 онд 11, 2018 онд нэг тогтоолын төсөл боловсруулж өргөн мэдүүлэхээр тусгасан байна.
Үндсэн чиглэлийн төсөлд тусгагдсан 260 хуулийн төслийн 75 нь анхдагч хуулийн төсөл, 85 нь шинэчилсэн найруулга, 99 нь хуульд нэмэлт, өөрчлөлт оруулах тухай, нэг нь хууль хүчингүй болгох тухай хуулийн төсөл аж.
Монгол Улсын хууль тогтоомжийг 2020 он хүртэл боловсронгуй болгох үндсэн чиглэл батлагдснаар Засгийн газраас 2016-2020 онд хэрэгжүүлэх үйл ажиллагааны хөтөлбөрт тусгасан зорилтыг биелүүлэх, хууль санаачлагчдаас санаачлах хууль тогтоомжийн төслүүд давхардалгүй, тодорхой цаг хугацаанд төлөвлөгдөн, өөр хоорондоо уялдаа холбоотой боловсруулагдах боломжтой ажлын хэсгээс үзэж байгаа билээ.