Монгол Улсын Ерөнхий сайд асан Н.Алтанхуягт өнгөрсөн 11 сарын 30-ны өдөр Авлигатай тэмцэх газраас зарлан дуудах хуудас ирүүлж, улмаар дөрвөн цаг орчим байцаалт авсан. Түүнийг ямар шалтгаанаар байцаасан талаар албаныхан одоог хүртэл албан ёсны мэдээлэл өгөөгүй байна. Зарим хэвлэл мэдээллийн хэрэгслээр Н.Алтанхуягийг долоон давхар шилэн барилгаа хөрөнгө орлогын мэдүүлэгтээ тусгаагүй, хууль бусаар хөрөнгөжсөн асуудлаасаа болж шударга бусын хонгил руу орох уу гэх мэдээлэл гарсан билээ. Дээрх мэдээлэлтэй холбоотойгоор Н.Алтанхуягийн өмгөөлөгч О.Чулуунчимэг холбогдох хэвлэлийн байгууллагаад шаардлага хүргүүлжээ.