Олон улсын жүдо бөхийн холбооны Чиндаогийн гран при тэмцээн өчигдөр хоёр дахь өдрөө үргэлжилж, манай тамирчдаас эрэгтэйчүүдийн 81 кг-ын жинд барилдсан ОУХМ Н.Дагвасүрэн, эмэгтэйчүүдийн 63 кг-ын жинд барилдсан МУГТ, Ц.Мөнхзаяа нар хүрэл медаль хүртлээ.Энэ өдөр барилдсан манай бусад залуу жүдочид хараахан ялалт байгуулж чадсангүй. Ийнхүү Монголын баг эхний өдөр авсан Д.Амартүвшингийн алт, Д.Алтансүхийн хүрэл медаль дээрээ дахин хоёр хүрэл медаль нэмснээр багийн дүнгээр тавдугаарт бичигдэж байна.