Энэ сарын 9-11-ний өдрүүдэд Бүгд Найрамдах Солонгос Улсад Ази- Номхон далайн орнуудын парламентчдын дээд чуулган болж байгаа билээ. Тус хуралд Улсын Их Хурлын гишүүн О.Баасанхүү Монгол Улсаа төлөөлөн оролцож, илтгэл танилцуулга хийж байгаа юм. УИХ-ын гишүүн О.Баасанхүү “Эдийн засаг ба хүрээлэн буй орчин” сэдвээр илтгэл тавьсан байна.
Түүнчлэн чуулганы өчигдрийн хуралдаанаар улс орнуудаас хүрэлцэн ирсэн төлөөлөгчид дундаас удирдлагуудаа сонгосон юм. Хуралдаанд оролцсон гишүүд Ази-Номхон далайн орнуудын парламентчдын чуулганы Дэд ерөнхийлөгчөөр УИХ-ын гишүүн О.Баасанхүүг сонгожээ.