Хараат бус судалгааны Левада Центр байгууллагын өнгөрсөн долоо хоногт авсан санал асуулгын дүнг өчигдөр буюу Даваа гарагт олон нийтэд танилцуулжээ.
Ингэхэд судалгаанд оролцсон Орос иргэдийн 48 хувь нь Сирид болж байгаа мөргөлдөөн Дэлхийн III дайн болон хувирахад ойрхон байгааг хүлээн зөвшөөрсөн байна.
Өнгөрсөн долдугаар сарын үзүүлэлтээс энэ нь 29 хувиар өссөн дүн юм.
Сирид явуулж байгаа Москвагийн агаарын ажиллагаа олон улсын хэмжээнд Орос улсын нэр хүндийг унагаж байна гэж 32 хувь нь үзсэн байна. Энэ нь арваннэгдүгээр сарын үзүүлэлтээс 16 хувиар өссөн дүн болжээ.
Гэсэн хэдий ч Оросуудын 52 хувь нь Сири дэх агаарын ажиллагааг дэмжиж, 26 хувь нь буруутгасан байна.
Мөн Москва Сирийн ажиллагааг үргэлжүүлэх хэрэгтэй эсэхийг асуухад 49 хувь нь “тийм” гэсэн бол 28 хувь нь “үгүй” гэжээ.
Одоогийн байдлаар Оросууд Алеппо дахь агаарын цохилтоо аравдугаар сарын 18-наас эхлэн 14 хоног зогсоогоод байгаа юм.