Турк улсын Чорум хотод чөлөөт бөхийн Дэлхийн аварга шалгаруулах тэмцээн үргэлжилж байна. Энэхүү тэмцээний эрэгтэйчүүдийн 61 кг-ын жинд Д.Балжинням барилдаж, хүрэл медаль хүртжээ.
Тэмцээний хоёр дахь өдөр эрэгтэй чөлөөт бөхийн 61, 70, 86, 120 кг-ын жингийн барилдаан болсон. Улмаар 61 кг-ын жинд барилдсан ҮБТДС-ийн бөх, спортын мастер Д.Балжинням нэгдүгээр тойрогт хийлж хоёрдугаар тойрогт Оросын бөх В.Рассадинд цэвэр ялагдсан ч хүрэл медалийн төлөө барилдаанд Молдавын бөх Георгий Статовыг 11:1 онооны харьцаагаар хожжээ.
Энэ тэмцээнд 34 орны 800 орчим оюутан бөх оролцож буй юм. Манай улсаас эрэгтэйчүүдийн 61 кг-ийн жинд Д.Балжинням, 74 кг-ийн З.Сумьяабазар, эмэгтэйчүүдийн 60 кг Э.Гантуяа, 69 кг З.Болортунгалаг, 75 кг Б.Даваацэрэн оролцож байна.