“Рио-2016” олимпийн жүдо бөхийн эмэгтэйчүүдийн 48 кг-д Галбадрахын Отгонцэцэг Казахстан улсын нэрийн өмнөөс зодоглон хүрэл медаль хүртсэн билээ.Түүнийг олимпийн дэвжээнд Д.Энхбаатар багш дасгалжуулсан юм.
Саяхан Д.Энхбаатар дасгалжуулагчийн төрсөн өдөр тохиосон юм. Олимпийн хүрэл медальт, дэлхийн аварга, Хөдөлмөрийн баатар Х.Цагаанбаатар түүнд зориулж шүлэг зохиожээ.
Тэрээр:
“Хүний нутагт та хоёр минь
Хөлсөө дуслуулан хөдөлмөрлөнө
Хүрэн бор охиноо дасгалжуулан
Хүссэн оргилдоо заавал гараарай
Асгаруулан урсгасан хөлс чинь
Алдрын тавцанд хөтлөх болно
Мэлмэрүүлэн урсах нулимс
Миний монголын ард түмнийх байх болно
Од шүүрч нар шиг мандах
Отгонцэцэг охин дэргэд чинь байна
Амжилт ялалтын төлөө хамтдаа
Хамтын хүч амжилт” хэмээгээд төрсөн өдрийн мэнд хүргэжээ.
https://www.facebook.com/tsagaanbaatar.khashbaatar…
