Маргааш бүх нийтээрээ амарна. Энэ өдөр Сум, дүүргийн ИТХ-ын сонгуульд санал хураалт явагдах юм. Санал хураалтын энэ өдөр 12:30 цагт Ерөнхий сайд Ж.Эрдэнэбат Дүүргийн ИТХ-ын сонгуулийн 1834 дүгээр хэсгийн хороонд очиж саналаа өгөх аж. Тус хэсгийн хороо ЗЦГ-ын дэргэдэх “Миний хайпермаркет”-ийн баруун талд байрлах “Номноо” хотхоны 147 дугаар байранд байрладаг байна.
Харин УИХ-ын дарга М.Энхболд Чингэлтэй дүүргийн сонгуулийн I тойрог, 2036 дугаар хэсгийн санал авах байранд буюу Нийслэлийн 23 дугаар дунд сургуульд 14.00 цагт санал өгөх аж. Сум, дүүргийн Иргэдийн Хурлын төлөөлөгчийг сонгох санал хураалт маргааш 07.00 цагаас эхэлж, 22.00 цагт албан ёсоор дуусах ёстой. Сонгуульд 1 сая гаруй иргэн оролцож саналаа өгөх ёстой ажээ.