Онцгой байдлын ерөнхий газар, НҮБ-ын Хөгжлийн хөтөлбөрийн “Орон нутгийн түвшинд гамшгийн эрсдэлийг бууруулах менежмэнт, зохицуулалтын чадавхийг сайжруулах нь” төсөл хамтран “Гамшиг, аюулт үзэгдэл, ослын цахим мэдээллийн сан байгуулах нь” сэдэвт сургалтыг зохион байгуулж байна.
Гамшиг, аюулт үзэгдэл, ослын цахим мэдээллийн санг бүрдүүлэх, боловсруулах, түгээх, ашиглах, хадгалах, хамгаалах талаар нэгдсэн ойлголтыг өгөх тус сургалт нь аравдугаар сарын 17, 18-ны өдрүүдэд үргэлжлэх юм.
Сургалтад төв, орон нутгийн Онцгой байдлын газар, хэлтсийн дуудлага хүлээн авагчид болон гамшгаас хамгаалах төлөвлөлт, бэлэн байдал хариуцсан ахлах мэргэжилтнүүд хамрагдаж байгаа юм.