Бээжингээс Замын Үүдийн чиглэлд явж байсан автобус өнгөрөгч наймдугаар сард шатаж, дотор сууж явсан 37 монгол иргэн ачаа бараа, эд хөрөнгөөрөө хохирсон билээ. Азаар монгол иргэд автобус шатахын өмнөхөн гадагш үсэрсэн болохоор бэртэл гэмтэл аваагүй юм. Харин иргэдийн ачаа бараа, заримынх нь гадаад паспорт галд шатсан байдаг.
Иргэдийн хохирлыг барагдуулах тал дээр Гадаад харилцааны яам зорчигдыш тээвэрлэж байсан “Есөн луу” компанитай хамтран ажиллаж байгаа. Хамгийн сүүлд 21 иргэний хохирлыг барагдуулсан тухай мэдээлсэн. Тэгвэл одоо “БНХАУ-ын үндэсний баярын өдрийн өмнө авсан мэдээллээр үлдсэн цөөн тооны иргэний хохирлыг барагдуулах ажил дуусах шатандаа явж байна” гэж мэдээллээ.