Монголын уулчдын үндэсний холбооны Ерөнхийлөгч Б.Тулга, Тэмцээнт төрөл хариуцсан дэд ерөнхийлөгч Б.Золжаргал, Удирдах зөвлөлийн гишүүн А.Батсүх, Ерөнхий нарийн бичгийн дарга Б.Сүхбат болон спорт авиралтын тамирчид БНХАУ-ын Шанхай хотноо 2016 оны 10 сарын 12-16 өдрүүдэд анх удаа зохион байгуулагдаж буй Спорт авиралтын оюутны дэлхийн аварга шалгаруулах тэмцээнд оролцох баг тамирчидаа хүлээн авч уулзаж амжилт хүслээ.
Тус тэмцээнд Монголын уулчдын үндэсний холбооны Аюулгүй байдал, Сургалтын хорооны гишүүн, БНХАУ-ын Сэчүан муж, Чэндү хотын Шинжлэх ухаан технологийн их сургуулийн төгсөгч Б.Эрдэнэцэцэг багийн ахлагчаар явж байгаа бөгөөд МУБИС-ийн Урлаг, Биеийн тамирын сургуулийн Спорт, Аялал жуулчлалын ангийн 4-р курсын оюутан, Спортын мастер О.Сайханжаргал, ШУТИС-ийн Эрчим хүчний сургуулийн Үйлдвэр, Хотын дулаан хангамжийн ангийн 4-р курсын оюутан Спортын дэд мастер Н.Хэрлэн нар Монгол улсаа төлөөлөн оролцохоор 2016 оны 10 сарын 11-нд эх орноосоо хөдлөх юм.
порт авиралтын оюутны дэлхийн аварга шалгаруулах тэмцээнд оролцох баг тамирчиддаа амжилт хүсэе.
ТАЛАРХАЛ
Спорт авиралтын оюутны дэлхийн аварга шалгаруулах тэмцээнд оролцох боломжийг олгосон АОСХ-ны ГХ-ны гишүүн, Монголын оюутны спортын холбооны Ерөнхийлөгч, Мо
нгол улсын гавъяат дасгалжуулагч Б.Жаргалсайхан болон Монголын оюутны спортын холбооны хамт олонд талархал илэрхийлэе.
Спорт авиралтын оюутны дэлхийн аварга шалгаруулах тэмцээнд оролцох баг тамирчдын хувцасыг ивээн тэтгэгч НОМИН ФЕЙШН ХХК-ний удирдлага хамт олонд талархал илэрхийлье.
