Монгол Улсын Ерөнхий сайд Ж.Эрдэнэбат энэ сарын 12-15-ны өдрүүдэд Японд албан ёсны айлчлал хийх тул долоо хоног бүрийн лхагва гаригт хуралддаг Засгийн газрын ээлжит хуралдааныг өнөөдөр 15.00 цагт зарласан байна.
Тус хуралдаанаар нийт есөн асуудал хэлэлцэх бол гурван асуудалтай танилцахаар төлөвлөжээ.
Энэ өдрийн хуралдаанаар хэлэлцэх хамгийн чухал асуудал нь Монгол Улсын Засгийн газар, Дэлхийн банкны Олон улсын хөгжлийн ассиоциацитай хамтран хэрэгжүүлэх “Экспортыг дэмжих төсөл”-ийн зээлийн хэлэлцээрийг соёрхон батлах тухай хуулийн төсөл хэлэлцэгдэх юм.
Мөн Замын хөдөлгөөний аюулгүй байдлын тухай хуульд өөрчлөлт оруулах тухай хуулийн төслийг Хууль зүй, дотоод хэргийн сайд С.Бямбацогт хэлэлцүүлэхээр төлөвлөжээ.