УИХ-ын Төсвийн байнгын хороо өнөөдөр /2016.10.11/ хуралдаж, 2017 оны төсвийн төслийн талаар хэлэлцэхээр товлогдсон байлаа. Гэвч, ирц хүрэхгүй гэсэн шалтгаанаар тус Байнгын хорооны хуралдаан тодорхойгүй хугацаагаар хойшлогдлоо.
Сангийн яамнаас ирэх онд төсвийн тэнцвэржүүлсэн орлого 5.5 их наяд төгрөг, зарлага 8,5 их наяд төгрөг байхаар тооцсон төслийг УИХ-д өргөн барьсан юм.
Түүнчлэн УИХ-ын намрын чуулган завсарлана гэсэн мэдээлэл байна. Гэхдээ одоогоор захирамж нь гараагүй байгаа гэдгийг УИХ-ын Тамгын газраас мэдээллээ.