Жил бүрийн аравдугаар сарын хоёр дахь пүрэв гаригийг хараагүй болохоос урьдчилан сэргийлэх талаар олон нийтэд мэдээлэл олгох, тус асуудалд анхаарал хандуулах өдөр болгон тэмдэглэдэг. Энэ өдрийн хүрээнд маргааш нүдний эмч нар зургаан дүүргийн эмнэлэгт иргэдэд үнэгүй үзлэг хийхээр болжээ.
Тодруулбал, Улсын нэгдсэн төв эмнэлэг, Улсын хоёрдугаар төв эмнэлэг, Улсын гуравдугаар төв эмнэлэг, “Болор мэлми болон бусад хувийн эмнэлгийн нүдний эмч нар ажиллаж чихрийн шижинтэй хүмүүст нүдний торлогийн гэмтэл, нүдний эвэрлэгийн өөрчлөлтийг илрүүлэх үзлэгийг үнэ төлбөргүй хийж, зөвлөгөө өгөх юм байна.
Мөн орон нутагт 21 аймгийн нэгдсэн эмнэлэг, эрүүл мэднийн төвүүдэд нүдний эрүүл мэндийн тухай өдөрлөг зохион байгуулахаар болжээ. Тус өдөрлөг маргааш өглөө 09:00 цагаас эхлэх юм байна.
Дүүргийн эмнэлгүүдийн үзлэг хийх хуваарь:
Эрүүл Мэндийн Төв Хугацаа Ажиллах эмнэлэг
1. Сонгинохайрхан 11.X “Инфинити”
2. Баянзүрх 11.X “Солонго”
3. Сүхбаатар 11.X Улсын 1-р төв эмнэлэг
4. Чингэлтэй 11.X “Болор мэлмий”
5. Баянгол 11.X “Орбита”
6. Хан-Уул 11.X “Сайт”