Румын улсад самбо бөхийн өсвөр үе, залуучуудын дэлхийн аварга шалгаруулах тэмцээн болж өнгөрлөө. Тус тэмцээнд эх орноо төлөөлөн оролцсон манай тамирчид нэг алт, нэг мөнгө, гурван хүрэл медаль авлаа.Тодруулбал, залуучуудын ангиллын 52 кг-д зодоглосон Г.Мөнхбат алтан медаль авч, дэлхийн аварга болов. Өсвөр үеийн 40 кг-д Б.Туул мөнгө, 70 кг-д Х.Оюунгэрэл, залуучуудын ангиллын 82 кг-д С.Зээбүргэд, 52 кг-д Д.Болор-Эрдэнэ нар хүрэл медаль авлаа. Мөн Б.Энэбиш, Г.Болор-Эрдэнэ, М.Даваасүрэн, Б.Алтанчимэг нар V байрт шалгарчээ.