Монгол Улсын Ерөнхий сайд Ж.Эрдэнэбат өнгөрсөн өдрүүдэд Орхон, Хөвсгөл, Булган аймгуудад ажилласан юм.
Булган аймагт ажиллаж, иргэдтэй уулзах үед эсэргүүцлийн лоозон угтжээ. Уулзалт болсон танхимд иргэд “Ардын хүүхдийг алагчлахаа зогсоо”, “Төрийн албыг төрлийн алба болгохоо зогсоо”, “Орон нутгийн хөгжлийн санг хэвээр үлдээхийг шаардаж байна” гэсэн бичгийг хадсан байжээ.
Мөн санал бодлоо илэрхийлэх үеэр Мэргэжлийн Засгийн газраас хэрэгжүүлж байгаа бодлого иргэдээ ялгаварлан гадуурхсан, аж ахуйн нэгжүүдээ ялгаварласан, сонгуульд дэвшүүлж байсан амлалтуудаасаа эрс няцсан буцсаныг сануулж, огцрохыг шаардсан байна.
