БНХАУ-ын 12 зураачийн “Уугуул нутаг” үзэсгэлэн өчигдөр Монголын Уран зургийн галерейд нээлтээ хийв.Уг үзэсгэлэнг эрхлэн гаргагч Гү Жэн Чин “Орчин үеийн урлаг нь Хятадын нийгмийн салшгүй нэг хэсэг болсон. Эдгээр уран бүтээлчид уламжлалт урлагийг орчин үеийн урлагтай хослуулж чаддаг. Боломж олдвол илүү олон үзэсгэлэнг Монголд нээхийг хүсч байна. Дараа жил Монголын зураачдын үзэсгэлэнг Шанхайн урлагийн төв музейд гаргахаар төлөвлөөд байна” гэв.
БНХАУ-ын орчин үеийн урлагийн томоохон төлөөлөл болох Гуань Вэй, Чэнь Шүнь, Чэнь Вэйнүн, Дэн Гүө-юуань, Хэ Хоу-юуань, Гоу ах дүүс, Лю Вэй, Чи Жинүн, Ши Жинсүн, Сүнь Юань, Пэн Юү, Тань Шүнь, Түнь-Янь Рүнань, Идэр зэрэг уран бүтээлчдийн үзэсгэлэн энэ сарын 28-ныг хүртэл үргэлжилнэ.