Монгол дахь Америкийн худалдааны танхим /АмЧам Монгол/-аас гурав дахь жилдээ “Америкийн өдрүүд” үзэсгэлэн худалдааг Монгол дахь АНУ-ын Элчин сайдын яамтай хамтран энэ сарын 24-25-нд “Мишээл экспо”-д зохион байгуулах гэж байна. Энэ жилийн үзэсгэлэн худалдаанд манай улсад үйл ажиллагаа явуулж, худалдаа арилжаа эрхэлдэг Америкийн шилдэг брэндүүдийн төлөелөл 90 гаруй компани 100 гаруй брэнд үйлчилгээ бүтээгдэхүүнээрээ оролцох аж.
Үзэсгэлэн худалдаанд хүрэлцэн ирсэн зочид хямдралтай үнээр худалдан авалт хийж, бүтээгдэхүүн үйлчилгээг турших аж. Мөн Америкийн шилдэг брэндүүдийг Монгод Улсад төлөөлдөг нэр бүхий бизнес эрхлэгчидтэй танилцаж, харилцаа холбоо тогтоох боломжтой юм. Хоёр өдрийн үзэсгэлэн худалдаа нь АНУ-ын бараа бүтээгдэхүүнийг олон нийтэд нэг цэгээс танилцуулах, Монгол Улсад дэлхийн чанар, стандартыг нэвтрүүлэн ажиллаж буй компаниудын үйл ажиллагааг дэмжих, хэрэглэгчдэд ойртуулах зорилготой ажээ.