Хууль сахиулах их сургууль дээр
08:00 цагт Онцгой байдлын ерөнхий газар, ХСИС-ийн Онцгой байдлын сургуулиас АНУ-ын Элчин сайдын яам, Аляскийн үндэсний гвардтай хамтран “Гамшгийн удирдлага” сургалт, дадлага сургуулийг 19-нөөс 23-ны өдрүүдэд зохион байгуулна. Сургалтын нээлтийн ажиллагаа өнөөдөр болно.
МҮХАҮТ-ын Хурлын танхимд
10:00 цагт Монголын Үндэсний Худалдаа Аж Үйлдвэрийн Танхим (МҮХАҮТ) Бразил-Монголын Худалдааны Танхимтай хамтран Монгол-Бразилын анхдугаар танилцах бизнес уулзалтыг зохион байгуулна.
Үндэсний мэдээллийн төвд
11:00 цагт НЭМХ-ээс “Оюутны эрүүл мэндийг дэмжих сар”-ын үйл ажиллагааны талаар мэдээлэл хийнэ.
Хууль зүйн үндэсний хүрээлэнд
11:00 цагт Монголын Хуульчдын холбоо хэвлэлийн бага хурал хийнэ. Хурлаар Хуульчдын холбооны удирдах зөвлөлийн бүрэн эрхийн хугацаа дууссантай холбогдуулж, Хуульчдын холбооны Их хурлыг хуралдуулах болсон талаарх мэдээллийг өгнө.
Шонхор тауэрт
11:00 цагт Азийн оюутны сагсан бөмбөгийн АШТ-ий хэвлэлийн бага хурал болно. Хуралд Азийн оюутны АШТ-д оролцож байгаа улсуудын шигшээ багийн дасгалжуулагч, ахлагч нар болон тэмцээнийг зохион байгуулах хорооны төлөөлөгчид оролцоно.
Их монгол оффист
11:11 цагт “МОНГОЛ: БИЧИГ НОМЫН ӨВ” бүтээлийг танилцуулах ёслол болно.
Харилцаа холбоо, мэдээллийн технологийн газар
12:00 цагт “Монгол Улсын үндэсний хиймэл дагуул хөтөлбөр”-ийн хүрээнд Ерөнхий сайдын ивээл дор болж зохион байгуулагддаг “Кансат” сонирхогчийн хиймэл дагуул хөөргөх уралдаан энэ сарын 22-нд болно. Уг олон улсын тэмцээний хэвлэлийн бага хурал болно.