Ирэх есдүгээр сарын 7-оос 11-ний хооронд Улаанбаатар хотноо сагсан бөмбөгийн олон улсын “Чингис Хаан кап-2016” тэмцээн болно. Өнгөрсөн жил анх удаагаа явагдсан тус тэмцээнд манай улсын үндэсний шигшээ баг түрүүлж, Ардчилсан Солонгосын шигшээ баг удаалж байсан билээ.
Энэ жил тус тэмцээн улам хүрээгээ тэлж, Өмнөд Солонгосын мэргэжлийн лигийн “KBL” баг бүрэн бүрэлдэхүүнээрээ ирж оролцох болсноос гадна Ардчилсан Солонгос улсын үндэсний шигшээ баг, ОХУ-ын Буриад улсын шигшээ, манай улсын Үндэсний нэг болон хоёрдугаар шигшээ, Оюутны Азийн аварга шалгаруулах тэмцээнд оролцох Залуучуудын шигшээ баг болон залуучуудын II шигшээ, Хөх хотын их сургуулийн шигшээ баг гэсэн 8 баг оролцохоор болжээ. Тэмцээн Спортын Төв Ордонд 14.00 цагаас ажээ.
