Сангийн сайд Б.Чойжилсүрэн төсвийн тодотголыг өргөн мэдүүлсэнтэй холбогдуулж Ерөнхий сайд Ж.Эрдэнэбат ээлжит бус чуулган зарлан хуралдуулахыг УИХ-ын даргаас хүссэн.
Харин өчигдөр буюу наймдугаар сарын 22-нд УИХ-ын дарга М.Энхболд аймаг, нийслэлийн ИТХ-ын дарга, Засаг дарга нартай уулзах үеэр энэ долоо хоногийн сүүлээр УИХ- ын ээлжит бус чуулганыг зарлан, тодорхой асуудлуудыг хэлэлцэхээр төлөвлөж байгаа хэмээн мэдэгдсэн билээ.
УИХ-ын ээлжит бус чуулган наймдугаар сарын 25-нд буюу ирэх пүрэв гарагт хуралдах тов гарсан талаар эх сурвалжууд мэдээлж байна.
Ээлжит бус чуулганаар 2016-2020 оны Засгийн газрын мөрийн хөтөлбөрийг баталж, сум, дүүргийн ИТХ-ын төлөөлөгчдийг сонгох сонгуулийн үеэр ашиглах техник хэрэгсэл, сонгуулийн зардал дээр 5.8 тэрбум төгрөгийг нэмж тусгах талаар хэлэлцэх ажээ.