“Рио 2016” олимпийн наадамд чөлөөт бөхийн эрэгтэйчүүдийн 65 кг-ын жинд барилдсан МУГТ Г.Мандахнаран хүрэл медалийн төлөө Узбекистаны бөх Ихтиёр Наврузовтой барилдлаа. Барилдаанд 7:6 онооны харьцаагаар манай бөх ялсан ч сүүлийн секундэд шүүгчдийн шийдвэрээр Узбекстаны бөхөд оноо өгч, Ихтиёр Нобрузов хүрэл медаль хүртлээ. Сүүлийн секундэд манай бөхийг дэвжээ тойрч гүйсэн хэмээн үзэж Ихтиёр Нобрузов нэг оноо өгсөн юм.
Энэхүү барилдааныг спортын олон үзэгч луйвар хэмээн үзэж байгаагаа илэрхийлэн, ордон даяар Монголын бөх Г.Мандахнаранг дэмжиж байлаа. Манай дасгалжуулагч Баяраа, Цогтбаяр нар дэвжээн дээр хувцсаа тайлж шидэн эсэргүүцэл үзүүлсэн ч хүлээн авсангүй.
АНУ-ын чөлөөт бөхийн холбоо Г.Мандахнаранг баяраа тэмдэглэж байх мөчид ямар нэгэн шалтгаанаар Наврузовт оноо өглөө хэмээн өмөөрч, өөрийн твиттер хуудаснаа ч жиргэжээ.