Нэгдүгээр нүүрт Монголын гар бөмбөгийн шигшээ багийн тамирчин А.Мөнхбаярынд зочилж, түүний спортын амжилт, ололтын тухай ярилцсан “Танайд өнжье” буланг онцлон хүргэж байна. Мөн өнгөрөгч сонгуулийн үеэр шуугиан болоод байсан УИХ-ын гишүүн асан Г.Уянгатай хийсэн ярилцлагыг хүлээн авч уншаарай. Г.Уянга гишүүний шинэ Засгийн талаар болон сонгуулийн үеэр шуугиан тарьсан 200 саяын бичлэг гэхчилэн олон асуултанд хариулт өглөө.
“Өдрийн сонин”-ы гуравдугаар нүүрт гарсан аливаа нийтлэл нийгэмд шуугиан тарьж, нийгмийн оюун санааны хамгийн том талбар болж байдаг онцлогтой. Тэгвэл өнөөдрийн дугаарын гуравдугаар нүүрэнд нийтлэлч Г.Дэлгэрцэцэгийн “Улс төрийн хийрхүү зангаа больцгооё” хэмээх нийтлэл хэвлэгдлээ.
Дөрөвдүгээр нүүрийн “Энэ тухай” буланд гарсан “Бэлчээр бол Монгол орны алтан сан хөмрөг мөн” гэсэн гарчигтай МАА-н эрдэм шинжилгээний хүрээлэнгийн зөвлөх, доктор, професор С.Жигжидсүрэнтэй хийсэн ярилцлагыг сонирхон уншаарай. Харин Баримт, үйл явдлын долоодугаар нүүрнээс сүүлийн үед гарсан гэмт хэргийн мэдээ, мэдээллийг сэрэмжлүүлэг болгон хүргэж байна.
“Цаг үе, залуус” буланд 2011 оны “Univers best songs” гадаад дууны уралдааны шилдэг дуучин С.Хишигжаргалтай уран бүтээлийнх нь талаар болоод эмэгтэйчүүдийн үзэл бодлын тухай сонирхолтой ярилцлагыг хүргэж байна. 11 дүгээр нүүрний “Өөрөөс нь…” буланд гарсан Монгол орны байгаль, ан амьтны тухай сонирхолтой дүрс бичлэг, гэрэл зургийг сонирхуулдаг “Хүрээлэн” цуврал нэвтрүүлгийн гэрэл зурагчин У.Ганбаяртай хийсэн ярилцлага хүрч байна. Бразил улсын Рио-де-Жанейро хотноо зохиогдсон зуны олимпийн XXXI наадам Улаанбаатарын цагаар өнөө өглөө өндөрлөсөн билээ. Олимпийн сүүлийн өдөр болсон сонирхолтой мэдээ, мэдээллийг манай сонины 15 нүүртээ хэвлэлээ.
Эрхэм уншигч та, манай сонины өнөөдрийн дугаарыг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудан, “Улаанбаатар”, “Скай” шуудангийн салбаруудаас очиж авч болох ба сонин борлуулах бүхий л цэгүүд, Хэвлэлийн биржээс худалдан авах боломжтой юм. Мөн “Мөнгөн завъяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдах авч болохыг дуулгая. “Өдрийн сонин”-ы өөрийн байранд ирж худалдан авч бас болно.