Сангийн яамнаас Төрийн албан хаагчдын цалингийн талаар өнөөдөр буюу наймдугаар сарын 16-нд мэдээлэл хийлээ.
Сангийн яамны Төсвийн бодлого хариуцсан газрын дарга Ж.Ганбат “Агентлагийн дарга болон түүнээс дээш Ерөнхий сайд, Ерөнхийлөгч хүртлээ Төрийн өндөр албан тушаалтан, аймгийн Засаг дарга, ИХТ-ын дарга нарын цалинг 30 хүртэл хувиар танана” гэв.
Төрийн өндөр албан тушаалтны гар утас, автомашины зардлыг тодорхой хэмжээнд бууруулж, МИАТ, Эрдэнэт үйлдвэр зэрэг Төрийн өмчит компаниудын дарга нарын цалинг давхар танах аж. Харин эмч, багш, цагдаа зэрэг төрийн албан хаагчдын цалин бууруулахгүй тогтсон байна.
Б.ЭРДЭНЭ-ОЧИР