“Рио-2016” олимпийн чөлөөт бөх болон таеквондогийн төрөлд өрсөлдөх өнөөдөр тамирчид олимпийн хотхонд ирсэн аж. Монголын баг тамирчдын хувьд “Рио”-д 43 тамирчдын бүрэлдэхүүнтэй явсан бөгөөд жүдо, буудлага, хөнгөн атлетикийн тамирчид тэмцээнээ амжилттай өндөрлүүлээд байна. Харин чөлөөт бөх, бокс, таэквондогийн тамирчдын тэмцээн үлдээд байгаа билээ. Чөлөөт бөхийн тэмцээн маргааш буюу наймдугаар сарын 17-ны өдрөөс эхлэх ба эрэгтэй зургаа, эмэгтэй дөрвөн тамирчин оролцоно.
Наймдугаар сарын 17-нд чөлөөт бөхийн хэсгийн барилдаан Улаанбаатарын цагаар 22.00 цагаас эхэлж, медалийн төлөөх барилдаан шөнийн 03.00 цагаас явагдах болно. Энэ өдөр чөлөөт бөхийн эмэгтэйчүүдийн -58 кг-ын жинд П.Орхон, -69 кг-ын жинд О.Насанбурмаа нар барилдах ажээ. Наймдугаар сарын 18-нд эмэгтэйчүүдийн -53 кг-ын жинд Э.Сумъяа, -63 кг-ын жинд С.Батцэцэг нар тус тус барилдах хуваарьтай байна.