Монгол
Улс ирэх сард цалингаа тавихад маш хүнд, сайн хөт өлбөрүүдийг зогсооно,
валютын нөөц ч дууссан гэдгийг Сангийн сайд Б.Чойжилсүрэн өнгөрсөн долоо хоногийн эхээр олон нийтэд зарласан.
Энэ нь хүнд байсан эдийн засгийг бүр дордууллаа гэж шүүмжлэх хүн олон байна. Түүний мэдэгдлийн дараа манай улсын бонд олон улсын зах зээл дээр өмнөхөөсөө улам бүр унаж, ам.долларын ханш өссөн.
Энэхүү
мэдээллийн дараа АН-ын барьж байсан Засгийн газар одоогийн гүйцэтгэх
засаглалд валютын 1.3 тэрбум ам.долларын нөөцтэй дансыг хүлээлгэж өгчээ.
Харин үүнийг харлуулж, бүр хасах 400 гаруй сая доллар байна хэмээн олон
нийтэд мэдэгдэл хийдэг Сангийн сайдыг анх удаа харлаа хэмээн хотын мэр
асан АН-ын гишүүн Э.Бат-Үүл, АН-ын дарга асан З.Энхболд сэтгүүлчдэд хийсэн мэдээлэлдээ онцолсон.
Тэгвэл наймдугаар сарын 15-нд буюу өчигдөр Ерөнхий сайд Ж.Эрдэнэбат,
Сангийн сайд Б.Чойжилсүрэн нар Төрийн ордны “Иргэний танхим”-д Монгол
Улсын эдийн засгийн өнөөгийн байдал болоод цаг үеийн зарим асуудлаар
сэтгүүлчдэд мэдээлэл өгсөн.
Ерөнхий сайд Ж.Эрдэнэбат мэдээллийнхээ эхэнд “Өнгөрсөн долоо хоногт
Сангийн сайд эдийн засаг, төсөв санхүүгийн асуудлаар мэдээлэл хийсэн. Үүний дараа улстөрч, эдийн засагч, судлаачдын хүрээнд нэлээдгүй маргаан өрнөлөө.
Бид тодорхой ойлголтыг хүргэх үүднээс мэдээлэл өгч байна. Анх ажил
авсныхаа дараа бид эдийн засгийн нөхцөл байдлаа тодорхойлох хэрэгтэй
гэдгээ хэлж байсан. Улс орон бүр нэг л төсөвтэй байх ёстой гэсэн дэлхий
нийтийн зарчмаас хазайх эрх байхгүй. Тийм учраас бүх төсвүүдээ нэгтгэх
үйл ажиллагаанд цаг хугацаа их орлоо” гэж хэлсэн. Улмаар эдийн засгийн нөхцөл байдлын талаар цаашид авах 12-18 сарын арга хэмжээнийхээ тухай мэдээлсэн.
Тэгвэл үүнтэй холбогдуулан Ардчилсан намын зүгээс өнөөдөр Төрийн ордны “В” танхимд УИХ дахь АН-ын бүлэг хэвлэлийн хурал зарлалаа.