Засгийн газрын өчигдрийн хуралдаанаар арван дэд сайдыг томилж, тогтоол баталлаа. Эдгээр сайдуудад, Зам тээврийн дэд сайд Б.Цогтгэрэл, Хуульзүй, дотоод хэргийн дэд сайд Б.Энхбаяр /УИХ дахь МАН-ын бүлгийн хуулийн зөвлөх/, Сангийн яамны дэд сайд Х.Булгантуяа /МАН-ын Нарийн бичгийн дарга/, Батлан хамгаалахын дэд сайд Т.Дуламдорж / ОБЕГ-ын дарга асан /, Эрчим хүчний дэд сайд Т.Гантулга /МАН-ын Нарийн бичгийн дарга/, Байгаль орчин, аялал жуулчлалын дэд сайд Ц.Батбаяр, Уул уурхай хүнд үйлдвэрийн дэд сайд Х.Бадамсүрэн / “Монросцветмет”-ийн захирал, УИХ-ын гишүүн асан/, Эрүүл мэндийн дэд сайдад Л.Бямбасүрэн, Хөдөлмөр нийгмийн хамгаалалын дэд сайд Б.Мөнгөнчимэг /НАМЗХ-ны Нарийн бичгийн дарга/, Боловсрол соёл шинжлэх ухаан, спортын дэд сайд Ё.Отгонбаяр /УИХ-ын гишүүн асан/ нарыг томилсон байна.
Харин МАН-ын Удирдах зөвлөлөөс Барилга, хот байгуулалтын дэд сайдад М.Батбаяр, Гадаад харилцааны дэд сайдад Г.Тэнгэр, Хүнс хөдөө аж ахуй, хөнгөн үйлдвэрийн дэд сайдад Т.Аубакир нар дэд сайдад батлагдсангүй. Харин МАН-ын Удирдах зөвлөл дахин гурван сайдын асуудал хэлэлцэх болоод байна.