Анхнаасаа тамирчдын ая духтай орчин нөхцлыг бүрдүүлж чадаагүй хэмээн шүүмждлэл дагуулаад байсан.Рио-де-Жанейро хотод болох Зуны Олимпын тоглолтод оролцохоор ирсэн Австрали улсын шигшээ багийнхны байрласан байрны хонгилд гал гарсан байна хэмээн “The Voice of America”-д мэдээллэжээ тэнд байрлаж байсан Австраличууд твиттер хуудастаа, өнгөрсөн баасан гаригт гарсан галын үеэр бүх тамирчныг өөр газарт шилжүүлсэн, тамирчид болон албаны хүмүүсийн биеийн байдал сайн, сэтгэл санаа өөдрөг байгаа тухай твиттер хуудаснаа жиргэсэн байна.
Долоо хоногийн өмнө Бразилд ирсэн Австралийн багийнхан гал гарсан дээрх байранд орохгүй хэмээн цааргалж байжээ. Учир нь өрөөнүүд нь бохир заваан, бие засах өрөөний суултуур ажиллахгүй, цахилгааны богино холбоо үүссэн зэрэг асуудал гарчээ. Ажилчид засвар хийсний дараа австраличууд уг байранд орсон аж. Мөн Итали, Шинэ Зеландын багийнхан байр сууцны нөхцлийн талаар гомдол гаргажээ
Австралийн багийн хэвлэлийн төлөөлөгч Майк Танкред сэтгүүлчдэд хэлэхдээ, тэнд байсан тамирчдыг нүүлгэн шилжүүлсэн, их утаа гарч байсан боловч “сүртэй юм болоогүй” гэжээ. Тэрээр 30 минутын турш ассан галын шалтгаан юунд байсныг мэдэхгүй хэмээн нэмж хэлсэн байна.
Б.УЯНГА