Улсын мөрдөн байцаах
газрын Хүнд гэмт хэрэг мөрдөх хэлтсийн ажилтнууд Бүгд найрамдах Турк улсын
иргэн Елдезгорер Абубекир гэгчийг эрэн сурвалжилж байгаа аж. Тэрээр манай улсын
иргэн А-гийн “Голомт” банкин дахь хадгаламжаас 60 сая, иргэдээс 133.2 сая
төгрөг, 60 мянган фунт стерлинг залилан авсан хэрэгт холбогджээ. Иргэдийн
гомдлоор 2010 оны дөрөвдүгээр сард эрүүгийн хэрэг үүсгэсэн ч тус этгээд хэдийнэ
Монгол Улсын хилээр гарч, эх орондоо очсон гэх мэдээлэл байгаа аж.