Дөрвөн настай охиноо зодож амь насыг нь хохироосон Т.Цогт болон Г.Маралмаа хоёрыг шүүх хурал өнөөдөр Баянзүрх дүүргийн шүүхэд 10.00 цагаас эхэлж 17.40 минутад дуусчээ. Шүүхийн шийдвэрээр Г.Маралмаад 23 жилийн хорих ял оноож, эцэг Т.Цогтыг нь цагаатгажээ.
Ганбатын Маралмааг хүнийг онц харгис хэрцгий аргаар бие хамгаалах чадахгүй байдлыг далимдуулан зодох буюу тарчлаасан гэмт хэрэг үйлдсэн гэж үзэж, Тулгатын Цогтыг хүний биед хөнгөн гэмтэл санаатай учруулах гэмт хэрэг үйлдсэн гэм буруутай болохыг тус тус тогтоож , улмаар Г.Маралмааг 23 жилийн хугацаагаар хорих ялаар шийтгэжээ.
Т.Цогтыг өнгөрсөн хугацаанд нэг жил таван сар хоригдсоныг дурдаж, эд мөрийн баримтаар хураагдсан зүйлүүдийг устгаж гар утас, сиди-г Г.Цогтод буцаан олгож Г.Маралмаагаас 4.646.839 төгрөгийг гаргуулж, талийгаачийн ээж Б.Өнөржаргалд олгохоор болгожээ. Харин Г.Цогт нь бусдад төлөх төлбөргүй болохыг шүүхийн шийдвэрт дурдсан байна.
О.ӨНӨР