Өнөөдөр Мэргэжлийн сумо бөхийн их аварга Д.Дагвадорж малын эхэс боловсруулах үйлдвэр байгуулж, нээлтийг хийлээ. Энэхүү үйлдвэр нь Япон, Монголын хамтарсан хөрөнгө оруулалтаар байгуулагдаж байгаа юм байна. Малаас гардаг нэг зүйлийг ч гэсэн үнэтэй болгох зорилгоор бүтээгдэхүүн үйлдвэрлэж байгаа гэдгээ нээлтийн үеэр онцолж байв.
Манай орны эрс тэс уур амьсгалд хүмүүс өвдөгнөөсөө их даардаг. Түүнээс болж эрүүл мэндийн хувьд эрсдэлд ордог аж. Тиймээс малын эхэсээр үе мөчний шингэнийг нөхөх бүтээгдэхүүн хийж байгаа юм байна. Мөн уг үйлдвэр хүний нүүрний арьсанд тохиромжтой коллаген эссенциалуудыг бүгдийг нь хийхээр төлөвлөөд байгаа гэнэ.
Шинэ үйлдвэрийг япон стандартаар барьж байгуулсан бөгөөд улсаас нэг ч төгрөгийн зээл авалгүй босгосон гэнэ. Эхэсийн үйлдвэр 22-ын товчоо орчимд байрлаж буй юм.
О.ӨНӨР