Дархлалын олдмол хомсдол нь хүний дархлал хомсдлын вирүсээр хүмүүст халдварлаж, дархлалын тогтолцоог гэмтээснээс үүддэг өвчин бөгөөд мөн бусад зүйлийн амьтдад үүнтэй төстэй вирүсүүд байдаг. Энэ өвчний төгсгөлийн шат нь тухайн хүнийг аливаа халдвар болон хавдрын өвчний эсрэг хамгаалах чадваргүй болгодог. ДОХ болон ХДХВ-ийн эсрэг эмчилгээ нь зөвхөн вирүсийн хөгжлийг саармагжуулах л төдий байгаа бөгөөд одоогоор мэдэгдэж буй бүрэн төгс эмчилгээ өдий хүртэл гарч ирээгүй байдаг.
Тэгвэл энэ оны сүүлээр Өмнөд Африкт ДОХ-ын хамгийн сүүлийн үеийн вакцин туршихаар төлөвлөжээ. ДОХ-ын тархалтыг зогсооход үр дүнтэй нь батлагдвал даруй туршилтын ажлыг эхлүүлэх талаар ВВС уламжилсан байна. Өнөөдрийн байдлаар ALVAC-HIV/gp120 вакцины туршилтад хамрагдахаар 252 сайн дурынхан бүртгүүлээд байгаа талаар Өмнөд Африкийн Дурбан хотод зохион байгуулагдсан олон улсын хурлын үеэр танилцуулжээ.
2015 оны байдлаар Африкт шинээр ДОХ-ын халдвар авсан хүний тоо 2.1 саяд хүрсэн байна. Дээрх вакциныг Өмнөд Сахарын ДОХ-ын өндөр эрсдэлд байгаа ард иргэдэд турших юм байна. Тодруулбал, туршилтад Өмнөд Африкийн дөрвөн хотын 5400 иргэн хамрагдах бөгөөд 2016 оны арваннэгдүгээр сараас эхлэн гурван жилийн турш үргэлжлэх төлөвтэй байгаа аж.