“Азийн хүүхдүүд” олон улсын наадамд манай улс 1996 оноос хойш тамирчдаа тасралтгүй оролцуулж байгаа билээ. Энэ удаагийн наадамд Монголын тамирчид байт харваа, бокс, буудлага, волейбол, даам, шатар, гимнастик, чөлөөт бөх, жудо бөх, самбо бөх, сагсан бөмбөг, таеквондо, ширээний теннис, хөнгөн атлетик, усан спорт, кураш бөх, мод таталт, хапсагай бөхийн спортын 18 төрөлд өрсөлдөж 48 медальтай амжилттай оролцоод ирсэн. Тэгвэл “Азийн хүүхдүүд” спортын наадмыг зохион байгуулах Олон улсын хорооны хурлаар 2020 онд спортын VII наадмыг Монгол Улсад зохион байгуулахаар шийдвэрлэсэн байна.