Японы хойд хэсгийн Хоккайдо аралд өнөөдөр /2016.06.16/ 5.3 магнитудын газар хөдөллөө. Газар хөдлөлтийн улмаас цунами үүсээгүй, АЦС-уудад гэмтэл гараагүй гэдгийг албаныхан мэдээлжээ. Өмнө нь өнгөрсөн дөрөвдүгээр сард Японы өмнөд хэсгийн Кюшү аралд хүчтэй газар хөдөлснөөс 49 хүн амь үрэгдсэн юм.
Япон улс нь газар хөдлөлтийн идэвхтэй бүсэд оршдог. Иймээс Японд 6 болон түүнээс дээш магнитудын газар хөдлөлт олон болдог аж. Японд 2011 оны гуравдугаар сард 9.0 магнитудын хүчтэй газар хөдөлснөөс цунамийн гамшиг үүсч, 20 мянга гаруй хүн амь үрэгдсэн юм. Мөн Чернобылийн цөмийн ослоос хойших хамгийн том дэлбэрэлт Фукушима АЦС-д болсон билээ.