Америкийн Нэгдсэн Улсын Төрийн нарийн бичгийн дарга Жон Керри манай улсад албан ёсны айлчлал хийхээр өнөө өглөө 07:40 минутын орчимд “Чингис хаан” олон улсын нисэх онгоцны буудалд газардсан юм. Түүнийг хоёр талын албаны хүмүүс угтаж авсан бөгөөд дараа нь АНУ-ын Элчин сайдын яамны зүг цуваа хөдөлсөн.
Энэхүү айлчлалын хүрээнд Жон Керри, Гадаад хэргийн сайд Л.Пүрэвсүрэнтэй албан ёсны хэлэлцээ хийж, хоёр талын харилцаа, хамтын ажиллагаа, бүс нутаг, олон улсын харилцан сонирхсон асуудлаар санал солилцлоо. Мөн Монгол Улсын төр, засгийн тэргүүн нарт бараалхаж, Монголын залуу манлайлагчдын төлөөлөлтэй уулзах юм.
