Зохиолч В.Красногоровын “Хунгийн дуу” уянгын драмын жүжгийг Улсын драмын эрдмийн театр энэ сарын 6-ны 19.00 цагт тайзнаа тавих гэж байна. Тус жүжгийг Ардын жүжигчин, Урлагийн гавъяат зүтгэлтэн Б.Мөнхдорж найруулжээ.
Гол дүрд:
Роман – Ардын жүжигчин П.Цэрэндагва
Виктор – Ардын жүжигчин Г.Мягмарнаран
Анна – Төрийн соёрхолт, Ардын жүжигчин Н.Сувд
Дүрүүдэд:
Гавъяат жүжигчин Г.Урнаа
Соёлын тэргүүний ажилтан Б.Нармандах
Туслах – жүжигчин А.Чингүн
Жүжгийн үйл явдал хоёр чиглэлээр өрнөнө. Нэг чиглэлийн гол баатар нь уран бүтээлийн гацаанаас гарах гэсэн найруулагч. Нөгөө нь сүүлчийнхээ дурлалтай учирсан, нэрт жүжигчин эмэгтэй. Хун гэдэг амьтныг дандаа л үнэнч хайр дурлал, ариун сайхан бүхэнтэй зүйрлэдэг. Энэхүү жүжигт хүний хүнлэг сайхан сэтгэл, хүсэл мөрөөдөл, гэгээн хайрын тухай өгүүлнэ. Хунгийн дуу, сэтгэлийн дуу, тэр ч бүү хэл уран бүтээлийн зам мөхөөгүй мөхөх ч ёсгүй, хүний сэтгэлд байгаа сайхан юм бүхэн мөнхийн байх ёстой гэсэн санааг энэ уран бүтээлээр илэрхийлэхийг зорьжээ.
Тасалбарын үнэ 15.000 төгрөг юм байна.
В.Бат
