“Өдрийн сонин”-ы баасан гаригийн дугаар хэвлэгдэн, захиалагчдадаа хүрлээ. Энэ өдрийн дугаарт гарсан нийтлэл, сурвалжлага, ярилцлага, мэдээ мэдээллээс онцолж, тоймлон хүргэж байна.
Азийн хамгийн урт усан гулгуур Монголд нээгдээд буй билээ. “Сити Слайд” буюу их хотын усан гулгуурын талбайгаас хийсэн сурвалжлагыг нэг, 11 дүгээр нүүрт хэвлэлээ. Бүгчим өдрүүдийг зугаатай өнгөрөөх боломжтой болсноор залуус усан гулгуурыг зорих нь их байгаа гэнэ.
УИХ-ын гишүүн Д.Арвины ярилцлага өнөөдрийн дугаарын нэг, хоёрдугаар нүүр хэвлэгдлээ. Тэрбээр “Ядаж 15 эмэгтэй гишүүн Их хуралд орж ирэх шаардлагатай. Зарим тойрогт АН, МАН-аас эмэгтэйчүүдээ тулгаж оруулсан байна лээ. Энэ утгаараа эмэгтэйчүүдийн тойрог бий болгосон ч болохоор байгаа юм. Хүчтэй эрчүүдтэй эмэгтэй хүн өрсөлдөх хэцүү. Тиймээс эмэгтэй хүн гарахгүй байх вий гэдэг эмзэглэл байна” хэмээн ярилаа.
“УИХ-ын сонгуульд нэр дэвшигчдийн хэн нь хэн бэ?” нийтлэлийг “Өдрийн сонин”-ы өнөөдрийн дугаарын гуравдугаар нүүрээс уншаарай. Энэ удаагийн улс төрийн сонгуульд намууд нэр дэвшигчдээ тойрог тус бүр дээр тодруулж, СЕХ-нд нэрсийг өгчихсөн байгаа. Аль тойрог дээр хэн, хэн хоорондоо тулах талаар гуравдугаар нүүрт ийн нийтэлж байна.
Харин “Орост шүүсэн шүүлт буюу үнэгүй монгол зан” нийтлэл “Баримт, үйл явдал”-ын долдугаар нүүрт гарлаа. Оросын чөлөөтийн тэмцээний шүүлтийг худлаа болсон гэж үзээд байгаа бөгөөд магадгүй манай монгол шүүгчдийг хахууль авсан гэж хардаад буй. Тэгвэл дээрх нийтлэлд энэ асуудлыг хөндсөн байна.
Өнөө жил 1.8 тэрбумаар наадамлах төсөвтэй юм байна. Энэ тухай Шадар сайд Ц.Оюунбаатараас авсан тодруулгыг 11 дүгээр нүүртээ нийтэллээ. АСЕМ давхцаж байгаа учир улсын баяр наадмыг хойшлуулах гэж байгаа гэсэн яриа олон нийтийн дунд яваад байгаа. Тэгвэл энэ цуу яриа гэдгийг Шадар сайд хэлэв.
“Дэлхийн спорт” булангаас “Моуриньогийн “МЮ”-д зарласан хайр хэзээ дуусах бол” бичлэгийг унших боломжтой. “Он гараад хөлбөмбөгийн ертөнцийг шуугиулж эхэлсэн хов жив зургаан сарын дараа биеллээ олж, энэ цагийн шилдэг дасгалжуулагч “Онцгой” Моуриньо “Манчестер Юнайтед” багийн ахлах дасгалжуулагчийн албанд гурван жилийн хугацаатай ажиллах гэрээг үзэглэв. Гари Невиллийн “Тэр очсон баг болгондоо цом авчирдаг. “МЮ”-д ч гэсэн Моуриньо амжилт авчрах нь гарцаагүй. Хамгийн гол нь хэр зэрэг удаан үргэлжлэх бол...” хэмээн энэ буланд бичсэн байна. Дэлгэрэнгүйгээр нь 15 дугаар нүүрээс сонирхоорой.
“Boston Ballet”-ийн гоцлол бүжигчин, МУГЖ Д.Алтанхуягийн ярилцлагыг өнөөдрийн дугаартаа хэвлээд байн. Энэ сарын 4-ний өдөр “Nigth of Ballet” наадам болох билээ. Энэхүү наадам тав дахь удаагаа болж байгаа юм. Дэлхийн шилдэг балетчдын тоглолтыг зохион байгуулж буй гавьяат жүжигчин Д.Алтанхуягийн ярилцлагыг 13 дугаар нүүрээс уншина уу.
“Эх орон сумаас эхэлнэ” булангийн маань энэ удаагийн дугаарт “Залаажинстийн жаран жилийн зун” буюу Баянхонгор аймгийн Шинэжинст сумын тухай гарсан юм.
Эрхэм уншигч та, манай сонины өнөөдрийн дугаарыг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудан, “Улаанбаатар”, “Скай” шуудангийн салбаруудаас очиж авч болох ба сонин борлуулах бүхий л цэгүүд, Хэвлэлийн биржээс худалдан авах боломжтой юм. Мөн “Мөнгөн завъяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдах авч болохыг дуулгая. “Өдрийн сонин”-ы өөрийн байранд ирж худалдан авч бас болно.
“Өдрийн сонин”-той холбоотой бүхий л мэдээллийг Мэдээлэх эрхийн утас 19001987-гоос лавлаж болох ба захиалга өгөхийг хүсвэл 9911-2954, 8811-1375 дугаарт холбогдоно уу. Хэрэв цахим хэлбэрээр нь захиалахыг хүсвэл 88071920 дугаарт холбогдож дэлгэрэнгүй мэдээллийг лавлаарай.
“ӨДРИЙН СОНИН” ӨГЛӨӨ БҮХНИЙ УРГАХ НАРНААР ТАНТАЙ ХАМТ