Оюутолгойн далд уурхайн бүтээн байгуулалтад шаардагдах зээлийн гэрээ энэ сарын эхээр эцэслэгдэж, тус орд дээр болсон хүндэтгэлийн арга хэмжээнд Ерөнхий сайд хүрэлцэн очиж байлаа. Тэгвэл Оюутолгойн далд уурхайн бүтээн байгуулалтын эхний ээлжийн гарааны санхүүжилт болох 4.4 тэрбум ам.долларын зээлийн эрх нээгдэж, 1.2 тэрбум доллар “Рио Тинто”-гийн дансанд оржээ.
Энэ талаар “Эрдэнэс Оюутолгой”-н захирал Д.Ганболдоос тодруулахад “4.4 тэрбум долларын зээлийн эрх нээгдсэн. Эхний 1.2 тэрбум доллар “Рио Тинто”-гийн дансанд орсон гэв.
Оюутолгойн алт, зэсийн ордын 80 хувь нь далд уурхайгаас олборлогдоно. Тиймээс энэ бол Монголын эдийн засгийн хувьд сайхан мэдээ гэж хэлж болно. Ийнхүү гурван жил алдсаны эцэст Оюутолгойн том бүтээн байгуулалт урагшаа хөдөллөө.