“Өдрийн сонин”-ы баасан гаригийн дугаар хэвлэгдэн, захиалагчдадаа хүрлээ. Энэ өдрийн дугаарт гарсан нийтлэл, сурвалжлага, ярилцлага, мэдээ мэдээллээс онцолж, тоймлон хүргэж байна.
Хүүхдийн баярыг угтан тоглоомын газрууд урамшуулал зарлажээ. Хүүхдийн баярт зориулсан нэгдсэн арга хэмжээ зургадугаар сарын 1-нд Чингисийн талбайд 11:00 цагаас эхэлнэ. Мөн тавдугаар сарын 30, 31-нд Хүй долоон худагт хүүхэд багачуудад зориулсан хөтөлбөрүүдтэй аж. Энэ талаар сурвалжлан өнөөдрийн дугаартаа онцолж байна. Сурвалжлагыг нэг, 11 дүгээр нүүрээс уншаарай.
Өнөөдөр болох АН-ын ҮЗХ, МАН-ын Бага хурлаар тус тус нэр дэвшигчдээ албан ёсоор тодруулах учиртай. Гэхдээ АН, МАН-аас нэр дэвших хүмүүсийн нэрс эхний байдлаар тодроод байгаа юм. Ингээд аль тойрогт хэн хэн нэр дэвшиж өрсөлдөхөөр болсныг дөрөвдүгээр нүүрт хэвлээд байна.
“Р.Амаржаргал:Эмэгтэйчүүдийн квотыг бүрдүүлэхгүй бол бүгдээрээ нэр дэвших эрхгүй болно” ярилцлагыг өнөөдрийн дугаарт мөн онцоллоо. Өнөөдөр АН-ын Үндэсний зөвлөлдөх хороо хуралдаж нэр дэвшигчдээ эцэслэн шийднэ. Зарим нэр нөлөө бүхий хүмүүс харьяа намын хорооноосоо сонгогдож гарч ирж чадаагүй тохиолдол байгаа аж. Энэ тохиолдолд заалнаас сонгогдох магадлал хэр байх талаар болон бусад цаг үеийн асуудлын талаар Р.Амаржаргал гишүүний энэхүү ярилцлагаас унших боломжтой.
“Хүн хөрөнгөтэй байх, түүнийгээ захиран зарцуулах эрхтэй гэдгийг Цэц санууллаа” нийтлэлийг Улс төрийн хоёрдугаар нүүрт нийтэллээ. “…Хүн хөрөнгөөрөө шударгаар ашиг олох эрхтэй. Энэ эрхээ эдлэх ёстой гэдгийг Үндсэн хуулийн Цэц харж, зүйтэй шийдвэр гаргалаа. Цэцийн энэ шийдвэр бол манай нийгэмд тогтчихоод байсан “Хөрөнгө бол муухай. Хөрөнгөтэй байх нь муу” гэсэн буруу хандлагыг тас цохисон үйл явдал боллоо гэж үзэж хүн хөрөнгөтэй байж, түүнийгээ захиран зарцуулах эрхтэй гэдгийг баталгаажууллаа гэж ойлгож болно” хэмээн нийтлэлд дурдсан байна. Мөн түүнчлэн “Өдрийн сонин”-ы нийтлэлийн бодлогыг тодорхойлж байдаг, алдарт гуравдугаар нүүрт “Монголд инженер, физикч, математикч болох замыг хааж байна уу?” нийтлэл хэвлэгдэн гарлаа. Уг нийтлэлд “…Хамгийн гол нь улс үндэстний хөгжил дэвшлийн амин чухал мэргэжил, гол боловсон хүчин, үнэт баялаг нь болсон тоо физик, инженерийн сэтгэлгээтэй хүүхдүүдийг монгол хэл бичгийн шалгалтаар дарамталж, ажил амьдралынхаа зам мөрийг сонгох хамгийн хариуцлагатай эмзэг үед нь төр засгаас нухчин дарж байгаа нь аймшигтай. Тоо, физик техникийн талын хүмүүс бичихдээ тааруу байдаг. Үндсэндээ, орчин цагийн хамгийн эрэлт хэрэгцээтэй мэргэжил болох цахим баримталж, түүний үр дүнд салбар салбарын өндөр боловсролтой сэхээтнүүд төрж гарсан юм. Тэгтэл өнөөдөр энэ байдал бүр урвуугаар эргэж, Монголын хөгжлийг авч явах хүүхдүүдийн хувь заяа эмгэнэлт байдалд ороод байна...” хэмээн бичсэн байна. Нийтлэлийг бүрэн эхээр нь гуравдугаар нүүрээс уншаарай.
Газрын маргааны улмаас эмч, сувилагч нар бөхчүүдтэй тэмцэлджээ. Энэ талаар сурвалжлан “Баримт, үйл явдал” буланд нийтэллээ. Маргаан яг хаанаас эхтэй, юу болов гэдгийг манай өнөөдрийн дугаараас дэлгэрэнгүй уншина уу.
Дэлхийн цаг уурын байгууллага Эль ниногоос үүдэлтэй ган гачиг энэ оны сүүлч, ирэх оны эхээр оргилдоо хүрэх төлөвтэй хэмээн мэдэгдэж байгаа юм байна. Тэгэхээр сэрүүн өдрүүд мөдхөн дуусах бололтой. Цаг уурчид энэ жил халуун зун болно гэж онцолж байгаа талаархи дэлгэрэнгүй мэдээллийг 13 дугаар нүүрт нийтэллээ.
Эрхэм уншигч та, манай сонины өнөөдрийн дугаарыг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудан, “Улаанбаатар”, “Скай” шуудангийн салбаруудаас очиж авч болох ба сонин борлуулах бүхий л цэгүүд, Хэвлэлийн биржээс худалдан авах боломжтой юм. Мөн “Мөнгөн завъяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдах авч болохыг дуулгая. “Өдрийн сонин”-ы өөрийн байранд ирж худалдан авч бас болно.
“Өдрийн сонин”-той холбоотой бүхий л мэдээллийг Мэдээлэх эрхийн утас 19001987-гоос лавлаж болох ба захиалга өгөхийг хүсвэл 9911-2954, 8811-1375 дугаарт холбогдоно уу. Хэрэв цахим хэлбэрээр нь захиалахыг хүсвэл 88071920 дугаарт холбогдож дэлгэрэнгүй мэдээллийг лавлаарай.
“ӨДРИЙН СОНИН” ӨГЛӨӨ БҮХНИЙ УРГАХ НАРНААР ТАНТАЙ ХАМТ